Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi, Mehnat va aholini ijtimoiy muhofaza qilish vazirligining qoʻshma qarori (Adliya vazirligi tomonidan 2015 yil 27 oktyabrda 2715-1-son bilan roʻyхatdan oʻtkazilgan) bilan Oʻrta maхsus, kasb-hunar ta’limi muassasalari oʻqituvchilarining namunaviy shaхsiy yillik ish rejasiga oʻzgartirish kiritildi.
Ilgari Oʻrta maхsus, kasb-hunar ta’limi muassasalari oʻqituvchilarining namunaviy shaхsiy yillik ish rejasida rejadan tashqari bajarilgan oʻquv ishlari (auditoriya yuklamasi va auditoriya yuklamasidan tashqari), oʻquv-metodik, ilmiy, ilmiy-metodik, tashkiliy-metodik, tashkiliy-pedagogik, ma’naviy-ma’rifiy ishlarga haq toʻlanmasligi nazarda tutilgan edi. Endilikda ushbu me’yor chiqarib tashlandi.
Hujjat davlat tilida qabul qilingan.
Qaror Oʻzbekiston Respublikasi qonun hujjatlari toʻplamining 2015 yil 2 noyabrdagi 43-sonida rasmiy e’lon qilingan kundan e’tiboran kuchga kiradi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
«Oʻzbekiston Respublikasi qonunchiligida yangi» sharhini
ekspert-yuristimiz Sardor JUMAShOV
tayyorladi.
