Олий ва ўрта махсус таълим вазирлигининг Ўрта махсус, касб-ҳунар таълими маркази, Меҳнат ва аҳолини ижтимоий муҳофаза қилиш вазирлигининг қўшма қарори (Адлия вазирлиги томонидан 2015 йил 27 октябрда 2715-1-сон билан рўйхатдан ўтказилган) билан Ўрта махсус, касб-ҳунар таълими муассасалари ўқитувчиларининг намунавий шахсий йиллик иш режасига ўзгартириш киритилди.
Илгари Ўрта махсус, касб-ҳунар таълими муассасалари ўқитувчиларининг намунавий шахсий йиллик иш режасида режадан ташқари бажарилган ўқув ишлари (аудитория юкламаси ва аудитория юкламасидан ташқари), ўқув-методик, илмий, илмий-методик, ташкилий-методик, ташкилий-педагогик, маънавий-маърифий ишларга ҳақ тўланмаслиги назарда тутилган эди. Эндиликда ушбу меъёр чиқариб ташланди.
Ҳужжат давлат тилида қабул қилинган.
Қарор Ўзбекистон Республикаси қонун ҳужжатлари тўпламининг 2015 йил 2 ноябрдаги 43-сонида расмий эълон қилинган кундан эътиборан кучга киради.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз Сардор ЖУМАШОВ
тайёрлади.