Vazirlar Mahkamasining 07.04.2021 yildagi “Moddiy madaniy merosning koʻchmas mulk ob’yektlari sohasida restavrator-ustalar malakasini oshirish va ularga malaka sertifikatini berish boʻyicha davlat хizmatlari koʻrsatishning ma’muriy reglamentini tasdiqlash toʻgʻrisida” 166-son qarori qabul qilindi.
Turizm va madaniy meros vazirligi huzuridagi Madaniy meros agentligi moddiy madaniy merosning koʻchmas mulk ob’yektlari sohasida restavrator-ustalar malakasini oshirish va ularga malaka sertifikatini berish boʻyicha vakolatli organ etib belgilandi.
Ma’muriy reglament quyidagilarni belgilaydi:
- talabgorning malaka sertifikati olish uchun Davlat хizmatlari markazlari yoki YaIDXP orqali ariza va hujjatlar topshirish tartibi;
- malaka oshirish kurslari va oʻquv jarayonini tashkil etish хususiyatlari, vazifalari va tartibi;
- malaka oshirish kurslari tinglovchilarini attestatsiyadan oʻtkazish va baholash;
- malaka oshirish kurslarini moliyalashtirish tartibi.
Restavrator-ustalar malakasi har uch yilda oshirib boriladi.
Hujjat Qonun hujjatlari ma’lumotlari milliy bazasida e’lon qilingan va 08.04.2022 yildan kuchga kirdi.
Lola Abduazimova.
