Prezidentning 08.05.2023 yildagi “2026 yil Oʻzbekistonda boʻlib oʻtadigan 46-Butunjahon shaхmat olimpiadasiga kompleks tayyorgarlik koʻrish hamda shaхmatni ommaviy harakatga aylantirishga oid chora-tadbirlar toʻgʻrisida”gi qarori qabul qilindi.
Xalqaro shaхmat federatsiyasining (FIDE) 2022 yildagi kongressida 46-Butunjahon shaхmat olimpiadasi hamda FIDEning navbatdagi kongressini 2026 yilda Oʻzbekistonda oʻtkazish toʻgʻrisida qaror qabul qilinganligini inobatga olib, Yoshlar siyosati va sport vazirligi hamda Oʻzbekiston shaхmat federatsiyasining 46-Butunjahon shaхmat olimpiadasini Samarqand shahrida oʻtkazish toʻgʻrisidagi taklifi ma’qullandi.
Hujjat bilan 46-Butunjahon shaхmat olimpiadasiga kompleks tayyorgarlik koʻrish boʻyicha tashkiliy qoʻmita tarkibi tasdiqlandi va uning asosiy vazifalari belgilandi:
- FIDE rahbariyati boshchiligidagi delegatsiyaning tashrifini tashkillashtirish va FIDE bilan shartnomalar, kelishuvlar imzolash;
- 46-Butunjahon shaхmat olimpiadasiga tayyorgarlikning bosh rejasi va dasturini tuzish va boshqalar.
Shuningdek, 2026 yil Oʻzbekistonda boʻlib oʻtadigan 46-Butunjahon shaхmat olimpiadasiga kompleks tayyorgarlik koʻrish hamda shaхmatni ommaviy harakatga aylantirishga oid chora-tadbirlar dasturi tasdiqlandi. Bunda quyidagilar rejalashtirilmoqda:
- “Shaхmat bogʻchadan boshlanadi” maхsus dasturini amalga oshirish, har yili maktabgacha ta’lim tashkilotlari tarbiyalanuvchilari oʻrtasida “Shaхmat festivali” musobaqalarini oʻtkazib borish;
- umumiy oʻrta, oʻrta maхsus, professional va oliy ta’lim muassasalarida “Maktab ligasi”, “Akademik litsey ligasi” “Professional ta’lim muassasalari ligasi” va “Talabalar ligasi” shaхmat musobaqalarini har yili uch bosqichda tizimli oʻtkazish.
- 2024 yil 1 yanvardan boshlab “Shaхmat stipendiyasi”ni ta’sis etish.
“Maktab ligasi”, “Akademik litsey ligasi”, “Professional ta’lim muassasalari ligasi” va “Talabalar ligasi” musobaqalarida gʻolib boʻlgan oʻquvchi-yoshlar va talabalarni ragʻbatlantirish sifatida yil davomida har oyda BHMning besh baravari miqdorida “Shaхmat stipendiyasi” toʻlanadi.
Hujjat OʻzAda e’lon qilingan va 08.05.2023 yildan kuchga kirdi.
Lola Abduazimova.
