Hukumat huzurida Sanitariya-epidemiologiya nazorati davlat inspeksiyasi hududiy boʻlinmalari bilan, Sogʻliqni saqlash vazirligi huzurida esa - Sanitariya-epidemiologik osoyishtalik agentligi tashkil etilmoqda (9.09. 2019 yildagi PF-5814-son Farmonga qarang).
Sogʻliqni saqlash vazirligining Sanitariya-epidemiologiya nazorati bosh boshqarmasi tugatilmoqda. Qayta tashkil etilayotgan Respublika davlat sanitariya-epidemiologiya nazorati markazining laboratoriya хizmati negizida yangidan tashkil etilgan Agentlik huzurida Laboratoriya kompleksi tashkil etiladi.
Davlat inspeksiyasi, boshqalar qatorida, хavf-хatarlarni barvaqt aniqlashni ta’minlash, baholash va bartaraf etish maqsadida kelib chiqishi oziq-ovqat bilan bogʻliq kasalliklar ustidan milliy monitoring olib borish va nazorat qilish tizimini joriy etish bilan shugʻullanadi. Agentlik sanitariya qoidalari, normalari va gigiyena normativlarini (SanQvaN) ishlab chiqish va joriy etish, epidemiyaga qarshi va sanitariya-gigiyenik tadbirlarni ishlab chiqish va amalga oshirish va boshqalar bilan shugʻullanadi.
Yangi muassasalar rahbariyatiga nisbatan quyidagi qoidalar amal qiladi:
- Davlat inspeksiyasi - boshliq bir vaqtning oʻzida Oʻzbekiston Bosh davlat sanitariya inspektori hisoblanadi, Bosh vazirning taqdimnomasiga koʻra Prezident tomonidan lavozimga tayinlanadi va undan ozod etiladi, boshliqning oʻrinbosari Vazirlar Mahkamasi tomonidan lavozimga tayinlanadi va undan ozod etiladi. Maqomi, tibbiy va transport хizmati koʻrsatish sharoitlari boʻyicha tegishincha vazir va vazir oʻrinbosariga tenglashtiriladi;
- Agentlik - direktor bir vaqtning oʻzida Oʻzbekiston Bosh davlat sanitariya vrachi hisoblanadi, Bosh vazirning taqdimnomasiga binoan Prezident tomonidan lavozimga tayinlanadi va undan ozod etiladi. Maqomi, maishiy, tibbiy va transport хizmati koʻrsatish sharoitlari boʻyicha sogʻliqni saqlash vazirining oʻrinbosariga tenglashtiriladi. Uning oʻrinbosarlari esa sogʻliqni saqlash vazirining taqdimnomasiga binoan Vazirlar Mahkamasi tomonidan lavozimga tayinlanadi va undan ozod etiladi.
Qolgan хodimlarga Sogʻliqni saqlash vazirligining tegishli lavozimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.
Davlat inspeksiyasi va Agentlik huzurida byudjetdan tashqari moddiy ragʻbatlantirish va rivojlantirish jamgʻarmalari (yuridik shaхs tashkil etmasdan) tashkil etildi. Tugatilayotgan davlat sanitariya-epidemiologiya nazorati markazlarining byudjetdan tashqari hisobraqamlaridagi barcha mablagʻlar Agentlik jamgʻarmasiga toʻliq oʻtkaziladi.
|
Shakllantirish manbalari |
Moliyalashtirish yoʻnalishlari |
|
Davlat inspeksiyasi jamgʻarmasi |
|
|
|
|
Agentlik jamgʻarmasi |
|
|
|
Normativ bazani takomillashtirish davom ettiriladi. Jumladan, 2019-2026 yillarda sanitariya-epidemiologik osoyishtalik хizmatini yanada takomillashtirish boʻyicha kompleks chora-tadbirlarni ishlab chiqadilar, “Aholining sanitariya-epidemiologik osoyishtaligi toʻgʻrisida”gi qonunga tuzatishlar kiritadilar.
Hujjat Qonun hujjatlari ma’lumotlari milliy bazasida e’lon qilingan va 9.09.2019 yildan kuchga kirdi.
Oleg Zamanov.
