2019 yil 1 yanvardan Vazirlar Mahkamasiga soliq va boshqa majburiy toʻlov boʻyicha imtiyozlar berish, hatto ularni toʻlashdan toʻliq ozod etish huquqi berildi (24.12.2018 yildagi OʻRQ-508-son Qonunga qarang).
Yangi yildan boshlab Vazirlar Mahkamasining imtiyozlarga doir masalalar boʻyicha qarori qaror yoki farmoyish shaklida rasmiylashtirilishi mumkin («Oʻzbekiston Respublikasi Vazirlar Mahkamasi toʻgʻrisida»gi Qonunning 20-moddasiga qarang). Tegishli qoʻshimchalar Soliq kodeksining 30, 31, 128-moddalariga kiritilgan.
Qonun «Xalq soʻzi» gazetasida chop etilgan va 1.01.2019 yildan kuchga kiradi.
Batafsil buxgalter.uz saytida.
