Davlat soliq qoʻmitasi Soliq kodeksining yangi tahriri yuzasidan takliflarni qabul qilish uchun maхsus sahifa ochdi.
Eslatib oʻtamiz, Prezidentning 29.06.2018 yildagi PF–5468-son Farmoni bilan Oʻzbekiston soliq tizimini jiddiy ravishda oʻzgartiradigan Soliq siyosatini takomillashtirish konsepsiyasi tasdiqlandi (batafsilroq – bu yerda). Shu munosabat bilan Prezident Bosh maslahatchisining oʻrinbosari boshchiligidagi maхsus ishchi komissiyaga 1.12.2018 yilgacha Soliq kodeksining yangi tahririni ishlab chiqish vazifasi topshirildi.
Tadbirkorlar va fuqarolar hujjatning yangi tahriri qanday normalarni oʻz ichiga olishi kerakligi haqidagi fikr-mulohazalarini yoʻllashlari uchun DSQ «Soliq kodeksini birgalikda yozamiz» maхsus sahifasini ishga tushirdi. 2 mingtagacha ishoradan iborat matnli takliflar u orqali qabul qilinadi. Oʻz ma’lumotlarini (F.I.O., elektron pochta manzili va telefon) koʻrsatish talab etiladi. Bu muhokama ishtirokchilarini tegishli yoʻnalishlar boʻyicha ekspert guruhlari faoliyatiga jalb etish uchun zarurdir.
