Sugʻurta badallari stavkasi oshirildi

2017 yilning 1 yanvaridan  fuqarolarning majburiy sugʻurta badallari stavkasi 8%gacha oshirildi (2016 yilda – 7,5%).

Har kim qariganda, mehnat layoqatini yoʻqotganda (nogironlik), shuningdek boquvchisidan mahrum boʻlganda pensiya olish huquqiga ega ekani hamda uning eng kam miqdori Konstitutsiya bilan kafolatlangan (39-modda). Byudjetdan tashqari Pensiya jamgʻarmasi pensiya toʻlash manbai hisoblanib, uning mablagʻlari jumladan fuqarolarning majburiy sugʻurta ajratmalari hisobiga ham  shakllantiriladi. Pensiya jamgʻarmasidan pensiya, nafaqa va kompensatsiyalarni oʻz vaqtida va toʻliq toʻlanishini ta’minlash uchun uning daromad va хarajatlari muvofiqlashtirilishi zarur. Ushbu chora aynan shu maqsadlarda amalga oshirildi.

Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin. 

Irina Aхmetova
ekspertimiz.