Суғурта бадаллари ставкаси оширилди

2017 йилнинг 1 январидан  фуқароларнинг мажбурий суғурта бадаллари ставкаси 8%гача оширилди (2016 йилда – 7,5%).

Ҳар ким қариганда, меҳнат лаёқатини йўқотганда (ногиронлик), шунингдек боқувчисидан маҳрум бўлганда пенсия олиш ҳуқуқига эга экани ҳамда унинг энг кам миқдори Конституция билан кафолатланган (39-модда). Бюджетдан ташқари Пенсия жамғармаси пенсия тўлаш манбаи ҳисобланиб, унинг маблағлари жумладан фуқароларнинг мажбурий суғурта ажратмалари ҳисобига ҳам  шакллантирилади. Пенсия жамғармасидан пенсия, нафақа ва компенсацияларни ўз вақтида ва тўлиқ тўланишини таъминлаш учун унинг даромад ва харажатлари мувофиқлаштирилиши зарур. Ушбу чора айнан шу мақсадларда амалга оширилди.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин. 

Ирина Ахметова
экспертимиз.