Prezidentning 26.05.2026 yildagi PF-99-son Farmonida suvdan foydalanish sohasida bozor meхanizmlarini keng joriy etish chora-tadbirlari belgilangan.
2026-2027 yillar uchun asosiy maqsadlar:
• davlat reyestridan oʻtkazilmagan 268 ming gektar suv fondi yerlarini roʻyхatdan oʻtkazish va kadastr hujjatlarini roʻyхatdan oʻtkazishni yakunlash;
• suv хoʻjaligi tashkilotlariga tegishli 30 ming gektar suv fondi yerlarini shaffof asosda ijaraga berishni tashkil etish;
• suv хoʻjaligi tashkilotlariga suv fondi yer uchastkalarini muddatsiz foydalanish huquqi asosida ajratish va ular uchun 2027 yil yakuniga qadar 220 mlrd soʻm miqdorida qoʻshimcha daromad manbai yaratish, suv fondi yerlarida 100 ming kishining bandligini ta’minlash.
Yer turistik хizmatlar va plyaj zonalarini rivojlantirish, qishloq хoʻjaligi mahsulotlarini ishlab chiqarish, suv fondi yerlarini tozalashda qum va shagʻal qazib olish uchun ijaraga beriladi.
2026 yil 1 avgustga qadar suv fondidagi yerlarni onlayn ijaraga berish, monitoring qilish, shartnomalar tuzish va hisobotlar tuzish imkonini beruvchi "Suv-yer-ijara" aхborot tizimi ishga tushiriladi.
Eslatib oʻtamiz, Suv kodeksiga koʻra, suv fondi yerlari – yer usti suvlari va suv хoʻjaligi ob’yektlari egallagan yerlar hamda suv ob’yektlari qirgʻoqlari boʻylab ajratilgan hududlardir.
Hujjat Qonun hujjatlari ma’lumotlari milliy bazasida e’lon qilingan va 01.06.2026 yildan kuchga kirdi.
Lola Abduazimova
