Moliya vazirligi va DSQning qarori (20.08.2018 yilda 2439-6-son bilan roʻyхatdan oʻtkazilgan) bilan soliq hisobotining shakllariga oʻzgartirish va qoʻshimchalar kiritildi.
Suv resurslaridan foydalanganlik uchun soliq hisob-kitobiga ilova «Soliq solinadigan bazadan kamaytiriladigan suv hajmlari» 0207-satr bilan toʻldirildi. Unda issiqlik elektr stansiyalari va issiqlik elektr markazlari tomonidan qayta quyiladigan suv hajmi aks ettiriladi.
2017 yil 1 oktyabrdan bunday suv hajmi suv resurslaridan foydalanganlik uchun soliqni hisoblab chiqarishda soliq solinadigan bazani kamaytiradi (4.09.2017 yildagi PQ–3253-son qarorning 4-bandi, Soliq kodeksining 261-moddasi 2-qismi 7-bandi).
Hujjat Qonun hujjatlari ma’lumotlari milliy bazasida e’lon qilingan va 20.08.2018 yildan kuchga kirdi.
Irina Aхmetova.
