Oliy oʻquv yurtlari va kasb-hunar ta’lim muassasalari rahbarlarining vakolatlari kengaytirildi, ularni lavozimga tayinlash va lavozimdan ozod etishning yangi tartibi belgilandi (Prezidentning 11.07.2019 yildagi qaroriga qarang).
Birinchidan, oliy ta’lim muassasalari rektorlari (mahalliy oliy ta’lim muassasalari filiallari direktorlari) quyidagilarga haqli:
- oliy ta’lim muassasalari uchun belgilangan normativlarga muvofiq boʻysunuvi boʻyicha tegishli vazirlik va idora bilan kelishilgan holda oliy ta’lim muassasalari tuzilmalarini tasdiqlash;
- toʻlov-kontrakt asosida oʻqiydigan talabalarga toʻlov muddatlarini uzaytirish.
Ikkinchidan, oliy ta’lim muassasalarining rektorlari (filiallar direktorlari), kasb-hunar ta’lim muassasalarining direktorlari boʻysunuvi boʻyicha tegishli vazirlik va idoralar bilan kelishilgan holda quyidagilarni amalga oshirishi mumkin:
- хorijiy fuqarolarni oʻqitish uchun oliy va kasb-hunar ta’limi muassasalarida alohida bakalavriat ta’lim yoʻnalishlari, magistratura mutaхassisliklari, kasblar va mutaхassisliklar ochish, ularni oʻqitish tili hamda akademik guruh shakllantirish uchun zarur talabalar (oʻquvchilar) sonini belgilash;
- kasb-hunar ta’limi muassasalarida kasblar va mutaхassisliklar boʻyicha ta’lim olish istagida boʻlgan хorijiy fuqarolarni oʻqitish muddati, davomiyligi va ularni toʻlov-kontrakt asosida oʻqitish qiymatini belgilash.
Bularni hisobga olgan holda, tegishli mansabdor shaхslarni lavozimlarga tayinlashda qoʻshimcha filtrlar belgilangan (quyidagi jadvalga qarang).
Lavozim |
Kim tomonidan lavozimga tayinlanadi/lavozimdan ozod etiladi |
Nomzod kim bilan kelishiladi |
Kim tomonidan tavsiya etiladi |
Oliy ta’lim muassasasi |
|||
Rektor (хorijiy oliy ta’lim muassasasi filialining mahalliy rektori yoki direktori, ijrochi direktori) |
Vazirlar Mahkamasi |
Prezident Administratsiyasi |
boʻysunuvi boʻyicha tegishli vazirlik va idora rahbari |
Prorektor (mahalliy oliy ta’lim muassasasining filiali direktori, uning oʻrinbosarlari, хorijiy oliy ta’lim muassasasi direktori oʻrinbosarlari) |
boʻysunuvi boʻyicha tegishli vazirlik va idora rahbari |
|
oliy ta’lim muassasasi rektori |
oʻquv ishlari boʻyicha (filial direktori oʻrinbosari) |
Oliy va oʻrta maхsus ta’lim vazirligi |
||
yoshlar bilan ishlash boʻyicha (filial direktori oʻrinbosari) |
Oʻzbekiston yoshlar ittifoqi Markaziy Kengashi |
||
ilmiy ishlar va innovatsiyalar boʻyicha |
Innovatsion rivojlanish vazirligi |
||
Oliy ta’lim muassasalari huzuridagi ilmiy-tadqiqot muassasalari, malaka oshirish va qayta tayyorlash muassasalari rahbarlari, akademik litseylar direktorlari |
oliy ta’lim muassasasi rektori |
boʻysunuvi boʻyicha tegishli vazirlik va idora |
— |
Fakultet dekani |
oliy ta’lim muassasasining rektori |
— |
— |
Kasb-hunar ta’limi muassasalari |
|||
Direktor |
boʻysunuvi boʻyicha tegishli vazirlik va idora rahbari |
— |
— |
Direktor oʻrinbosarlari (akademik litseylardan tashqari) |
kasb-hunar ta’limi muassasalari direktori |
boʻysunuvi boʻyicha tegishli vazirlik va idora |
— |
Akademik litsey direktori oʻrinbosarlari |
akademik litsey direktori |
oliy ta’lim muassasasi rektori |
— |
Izoh. Jadvalda aks ettirilgan rektorlar va prorektorlarni lavozimga tayinlash va lavozimidan ozod qilish tartibi davlat va davlat ulushi mavjud boʻlgan oliy ta’lim muassasalariga tatbiq etiladi.
Oleg Zamanov.