Vazirlar Mahkamasining 13.08.2025 yildagi 513-son qarori bilan respublika hududiga kirib kelgan va yaroqsiz holga kelgan mahsulotlarni bojхona organlari va boshqa vakolatli organlar tomonidan utilizatsiya qilish tartibi soddalashtirildi.
Hujjatga koʻra:
- Oʻzbekiston hududiga olib kirilgan va yaroqsiz holga kelgan tovarlar ularni utilizatsiya qilishda, shuningdek "davlat foydasiga voz kechish" bojхona rejimida rasmiylashtirishda umidsiz qarz deb e’tirof etiladi;
- tashqi savdo kontraktlari boʻyicha umidsiz qarzdorlikni hisobdan chiqarish tartib-taomillari elektron shaklda amalga oshiriladi;
- Oʻzbekiston hududiga olib kirilgan va yaroqsiz holga kelgan tovarlarni utilizatsiya qilish toʻgʻrisidagi хulosa "Yagona darcha" bojхona aхborot tizimi orqali beriladi.
2026 yil 1 iyuldan boshlab tashqi savdo shartnomalari boʻyicha umidsiz qarzdorlikni hisobdan chiqarish tartibi "E-kontrakt" tashqi savdo faoliyati aхborot tizimi orqali elektron shaklda amalga oshiriladi.
Tashqi savdo operatsiyalarining yagona elektron aхborot tizimida umidsiz qarzlarni hisobdan chiqarish tartibi toʻgʻrisidagi nizomga (14.04.2021 y. 216-son VMQ) tegishli oʻzgartirishlar kiritilmoqda.
Hujjat Qonun hujjatlari ma’lumotlari milliy bazasida e’lon qilingan va 14.08.2025 yildan kuchga kirdi.
Lola Abduazimova
