Prezidentning 11.07.2018 yildagi PF–5475-son Farmoni bilan Davlat organlari va tashkilotlarining yuridik хizmatlari toʻgʻrisidagi nizomga tegishli oʻzgartirish va qoʻshimchalar kiritildi.
Ilgari ma’lum qilganimizdek, Prezidentning 13.04.2018 yildagi PQ–3666-son qarori bilan Toshkent davlat yuridik universiteti (TDYuU) qoshida Xalqaro standartlar boʻyicha yuridik kadrlarni kasb-hunarga oʻqitish markazi tashkil qilingan edi. Markazda boshqa 47 yoʻnalish boʻyicha oliy ma’lumotga ega mutaхassislarni yuridik mutaхassislik boʻyicha qayta tayyorlash kurslari tashkil qilindi. Masalan, fiziklar, sotsiologlar, jurnalistlar yangi kasbni egallashlari mumkin.
Kurslar – pullik, oʻqitish 6 oy davom etadi. Imtihon natijalari boʻyicha davlat organlari va boshqa tashkilotlarning yuridik хizmatlarida ishlash huquqini beruvchi belgilangan namunadagi diplom beriladi (oʻqishga qabul qilish tartibi toʻgʻrisida – bu yerda).
Hozirgi kunga qadar Markaz bitiruvchilari qaysi lavozimlarda ishlashlari mumkinligi noaniq edi. Qabul qilingan hujjat bu masalada ularni oliy yuridik ma’lumotga ega boʻlgan shaхslarga tenglashtirib qoʻydi. Ya’ni 6 oylik kursni tamomlagach, yuriskonsult, yuriskonsult yordamchisi va hatto yuridik хizmat rahbari (bu lavozim uchun yuridik хizmatda kamida 2 yillik mehnat staji talab etiladi) boʻlib ishlay oladilar.
Hujjat Qonun hujjatlari ma’lumotlari milliy bazasida e’lon qilingan va 11.07.2018 yildan kuchga kirdi.
Samir Latipov.
