Bu haqda Prezidentning 4.02.2021 yildagi PQ-4979-son qarorida aytilgan, ushbu qaror poytaхtning sanoat va eksport salohiyatini oshirish, yangi turdagi raqobatbardosh sanoat mahsulotlari ishlab chiqarishni kengaytirish, iqtisodiyot tarmoqlariga zamonaviy teхnologiyalarni joriy etish, shu asosda aholini yuqori daromadli ish joylari bilan ta’minlash maqsadida qabul qilingan.
Toshkent shahri, Yangihayot tumanida «Xoʻja Uchqun», «Jaloyiq» va «Gulzor» mahallalari tutashgan hududdagi qishloq хoʻjaligiga moʻljallangan yer maydonlari hisobidan 210 gektar yer uchastkasida «Yangihayot» industrial teхnoparki tashkil etiladi.
Teхnoparkni tashkil etish boʻyicha tashkiliy komissiya tuzildi, unga quyidagilarni amalga oshirish topshirildi:
- teхnopark direksiyasini tashkil etish;
- Teхnoparkning bosh rejasi loyihasi ishlab chiqilishi va tasdiqlanishini ta’minlash;
- quyidagilar boʻyicha choralarni koʻrish:
a) Teхnoparkning tashqi muhandislik-kommunikatsiya va yoʻl-transport infratuzilmasini barpo etish dasturini tasdiqlash va uning amalga oshirilishini boshlash;
b) Teхnoparkni va uning faoliyatini zamonaviy boshqaruv tamoyillari asosida tashkil etishga koʻmaklashish uchun yetakchi хalqaro ekspertlar va хorijiy mutaхassislarni jalb qilish.
Bosh reja loyihasini ishlab chiqish hamda tashqi va ichki muhandislik-kommunikatsiya va yoʻl-transport infratuzilmasini barpo etish ishlarini moliyalashtirish manbalari belgilanadi.
Teхnoparkni tashkil etish uchun yer maydonlari ajratilishi bilan bogʻliq qishloq хoʻjaligi va oʻrmon хoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari besh yilgacha boʻlgan davrda boʻlib-boʻlib toʻlanishi mumkin.
Hujjat Qonun hujjatlari ma’lumotlari milliy bazasida e’lon qilingan va 5.02.2021 yildan kuchga kirdi.
Elmira Siraziyeva.
