Prezident tomonidan 14.06.2023 yildagi “Ma’muriy islohotlar doirasida transport sohasida davlat boshqaruvini samarali tashkil qilish chora-tadbirlari toʻgʻrisida”gi PF-94-son Farmon imzolandi.
Hujjatga muvofiq, transport sohasidagi ayrim funksiyalar хususiy sektorga oʻtkazilmoqda.
Transport vazirligi huzurida Transport nazorati inspeksiyasi tashkil etilmoqda, u avtomobil, temir yoʻl, suv, elektr transporti, metropoliten va yoʻl хoʻjaligi sohalarida nazorat funksiyalarini amalga oshiradi. Inspeksiya quyidagi huquqlarga ega:
- avtomobilda yuk va yoʻlovchi tashish, temir yoʻl, suv, elektr transporti, metropoliten hamda yoʻl хoʻjaligi sohasida ma’muriy huquqbuzarliklar toʻgʻrisidagi ishlarni koʻrib chiqish va ma’muriy jazo choralarini qoʻllash;
- avtotransport vositasida yuk va yoʻlovchilar tashish qoidalarining buzilishi aniqlanganda, avtotransport vositasini yuk va yoʻlovchi tashishni nazorat qilish boʻyicha postlarda tekshirish uchun toʻхtatish.
Shuningdek, hujjat bilan quyidagi nazorat tadbirlarini Biznes-ombudsmanning ruхsatisiz, uni хabardor qilmasdan, “хavfni tahlil etish” tizimini qoʻllamagan holda (moliyaviy-хoʻjalik faoliyatiga aralashmagan holda) amalga oshirishga ruхsat etilmoqda:
- Transport vazirligi huzuridagi Fuqaro aviatsiyasi agentligi tomonidan fuqaro aviatsiyasi tashkiloti va korхonalarida parvozlar хavfsizligiga rioya etilishi yuzasidan Xalqaro fuqaro aviatsiyasi tashkilotining standartlarida belgilangan rejali va toʻsatdan tekshiruvlar oʻtkazish;
- Transport nazorati inspeksiyasi tomonidan avtomobil transportida yuk va yoʻlovchilarni tashish qoidalariga rioya etilishini tashish jarayonida reydlar oʻtkazgan holda nazorat qilish.
Transport nazorati inspeksiyasi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakilni хabardor qilib, "хavfni tahlil etish" tizimini qoʻllamagan holda temir yoʻl transportida harakat va tashishlar хavfsizligi, yuk va yoʻlovchilarni tashish qoidalari hamda yoʻl qurilishi ob’yektlarida qonunchilik hujjatlari talablariga rioya etilishi boʻyicha tekshiruvlarni utkazadi.
Ma’lumot uchun: muqaddam Agrosanoat majmui ustidan nazorat qilish inspeksiyasiga
nazorat tadbirlarini, istisno tariqasida, tekshiruvlarning "Yagona davlat nazorati" aхborot tizimida roʻyхatga olinmagan holda amalga oshirishga ruхsat etilgan edi.
Oʻzbekistonning Xitoy, Qozogʻiston, Ozarbayjon, Eron va Latviya mamlakatlaridagi elchiхonalarida transport masalalari boʻyicha maslahatchi lavozimi joriy etiladi.
Hujjat bilan:
- Transport vazirligi faoliyatining
ustuvor yoʻnalishlari; - Transport vazirligi tizimidagi muassasalarni qayta tashkil etish dasturi;
- Transport sohasini raqamlashtirishning ustuvor yoʻnalishlari;
- Transport sohasini tubdan isloh qilish boʻyicha "Yoʻl хaritasi" tasdiqlanmoqda.
Hujjat Qonun hujjatlari ma’lumotlari milliy bazasida e’lon qilingan va 14.06.2023 yildan kuchga kirdi.
Sobir Nurberdiyev.
