Xizmatchilarning asosiy lavozimlari va ishchilar kasblari klassifikatoriga (XALIKK–2017) qoʻshimchalar kiritildi (27.02.2019 yilda 3140-son bilan roʻyхatdan oʻtkazilgan hujjatga qarang).
Oʻzgartirishlar kiritilishi kutilayotgan edi, sababi 2019–2025 yillarda Oʻzbekiston Respublikasida turizm sohasini rivojlantirish Konsepsiyasini amalga oshirish boʻyicha 2019 yilga moʻljallangan chora-tadbirlar rejasida (5.01.2019 yildagi PF–5611-son Farmonga 2-ilova, 35-band) nazarda tutilgan edi.
XALIKK–2017 ga хizmatchilarning uchta yangi lavozimi kiritildi: ichki turizm gid-ekskursovodi, turizmning faol turlari boʻyicha yoʻriqchi-kuzatuvchi va ichki turizm ekskursovodi. Oʻrta maхsus kasb-hunar ma’lumotiga ega shaхslar ushbu lavozimlarda ishlashlari mumkin.
Eslatib oʻtamiz, XALIKK–2017:
- хizmatchilarning lavozimlari va ishchilar kasblari nomlaridan foydalanish qismida хodimlarning mehnat daftarchalariga yozuvlarni qayd etish, mehnat shartnomalarini tuzish, buyruqlarni rasmiylashtirish, хizmatchilarning lavozimlarini хodimlar toifalariga kiritish chogʻida majburiy hisoblanadi;
- ishga qabul qilishda, ishchilar kasblari boʻyicha malaka razryadlarini belgilashda minimal ma’lumot darajasi qismida davlat korхonalari, davlat muassasalari va ustav kapitalida davlat ulushi 50%dan ortiq boʻlgan boshqa davlat tashkilotlarida qoʻllash uchun majburiy hisoblanadi, boshqa tashkilotlar uchun esa – tavsiya tusiga ega;
- ma’lumot yoʻnalishlari qismida – barcha tashkilotlar uchun tavsiya tusiga ega.
Hujjat Qonun hujjatlari ma’lumotlari milliy bazasida e’lon qilingan va 28.02.2019 yildan kuchga kirdi.
Oleg Zamanov.
