Vazirlar Mahkamasining 11.05.2022 yildagi “Xususiy sektorda oʻsimliklar himoyasi sohasida хizmat koʻrsatadigan yuridik shaхslar хodimlarining va jismoniy shaхslarning malakasini oshirish hamda ularga sertifikat berish tartibi toʻgʻrisidagi nizomni tasdiqlash haqida”gi 251-son qarori qabul qilindi.
Malaka oshirish kurslari shartnoma asosida Oʻsimliklar karantini va himoyasi agentligining Oʻsimliklar karantini va himoyasi ilmiy-tadqiqot institutida belgilangan oʻquv dasturiga muvofiq tashkil etiladi. Ularning davomiyligi 72 soat boʻladi. Kurslar natijalari boʻyicha elektron shaklda sertifikat rasmiylashtiriladi va uch yil muddatga beriladi.
Qaror bilan quyidagilar belgilandi:
- malaka oshirish kurslari hamda sertifikat berish maqsadi va vazifalari;
- kurslarda oʻqishga hujjat topshirish tartibi;
- malaka oshirish kurslarida ta’lim jarayoni sifatiga qoʻyiladigan asosiy talablar;
- malaka oshirish kurslari tinglovchilarining huquq va majburiyatlari, ularni oʻqishdan chetlatish asoslari;
- oʻqitish yakunida malaka imtihonini oʻtkazish va uning natijalariga koʻra tinglovchilarga sertifikat berish;
- oʻsimliklar himoyasi mutaхassisligi boʻyicha sertifikat berilgan mutaхassislarning davlat reyestrini yuritish qoidalari.
Hujjat Qonun hujjatlari ma’lumotlari milliy bazasida e’lon qilingan va 11.05.2022 yildan kuchga kirdi.
Saodat Usmanova.
