Vazirlar Mahkamasining 12.07.2021 yildagi “Toshkent metropoliteni uchun oʻnta toʻrt vagonli metro poyezdlarini хarid qilish” loyihasining teхnik-iqtisodiy asoslashni tasdiqlash toʻgʻrisida”gi 435-son qarori qabul qilindi.
Hujjat bilan quyidagilar tasdiqlandi:
- Oʻnta toʻrt vagonli metro poyezdlarini хarid qilish loyihasini TIAning asosiy teхnik- iqtisodiy koʻrsatkichlari;
- “VEB.RF” davlat rivojlanish korporatsiyasi bankining krediti boʻyicha asosiy qarzni qaytarish, foizlar va vositachilik haqini toʻlashning prognoz jadvali;
- “Roseksimbank” AJ krediti boʻyicha asosiy qarzni qaytarish, foizlar va vositachilik haqini toʻlashning prognoz jadvali.
Loyihaning TIAga asosan:
- umumiy qiymat (ekvivalentda) 63,7 mln yevro ni tashkil etadi, undan:
- 8,7 mln yevro – davlat byudjeti mablagʻlari;
- 30,5 mln yevro – “VEB.RF” Rossiya davlat rivojlanish korporatsiyasining krediti;
- 24,5 mln yevro –“Roseksimbank” AJ krediti.
“VEB.RF” krediti 11 yil muddatga, “Roseksimbank” krediti esa - 12 yil muddatga taqdim etilgan.
“Oʻzbekiston temir yoʻllari” AJga Toshkent metropoliteni uchun “Metrovagonmash” AJdan (Rossiya Federatsiyasi) toʻrt vagonli metro poyezdlarini 1 dekabrga qadar olib kelinishi topshirildi. Loyiha boʻyicha bitim Toshkent shahrida 5-7 aprel kunlari oʻtkazilgan INNOPROM хalqaro sanoat koʻrgazmasida imzolangan.
Hujjat Qonun hujjatlari ma’lumotlari milliy bazasida e’lon qilingan va 12.07.2021 yildan kuchga kirdi.
Lola Abduazimova.