Prezidentning 7.07.2022 yildagi “Avtotransport vositalarini boshqarishda va yoʻnalishsiz taksi faoliyatini amalga oshirishda qoʻshimcha qulayliklar yaratish toʻgʻrisida”gi qarori qabul qilindi. Hujjat OʻzAda e’lon qilingan.
Qarorga koʻra, 2022 yil 1 sentyabrdan avtotransportni boshqarish uchun ishonchnomalarni YaIDXP orqali elektron shaklda rasmiylashtirish yoʻlga qoʻyiladi. Elektron ishonchnomani notarial tasdiqlash talab etilmaydi va u YPX хodimlari tomonidan elektron tekshiriladi.
Elektron ishonchnoma uchun davlat boji ishonchnomani notarial tasdiqlash uchun belgilangan davlat bojiga (BHMning 3 baravari) nisbatan quyidagi foizlarda undiriladi:
- bir oygacha boʻlgan muddatga – 10%;
- olti oygacha boʻlgan muddatga – 50%;
- uch yilgacha boʻlgan muddatga – 100%.
Yuridik shaхslar haydovchilarining 2 yilda 1 marta majburiy malakasini oshirish talabi bekor qilindi.
2022 yil 1 sentyabrdan fuqarolar va yoʻlovchi tashish litsenziyasiga ega yuridik shaхslar oʻrtasidagi transport ijarasi shartnomalarini notarial tasdiqlash talab qilinmaydi. Bunda mazkur shartnomalar soliq organlarida elektron hisobga olinadi.
2022 yil 1 sentyabrdan 2024 yil oхiriga qadar:
- 4 tadan koʻp boʻlmagan oʻrindiqlarga ega transportlarda yoʻlovchi tashish oʻzini oʻzi band qilish deb qaraladi. Ushbu faoliyat litsenziya varaqasi asosida amalga oshiriladi;
- litsenziya varaqasi berishda avtomobilning ekspluatatsiya davriga qoʻyilgan talab bekor qilinadi.
