Vazirlar Mahkamasining 15.08.2018 yildagi «Davlat umumiy oʻrta ta’lim muassasalari oʻquvchilarini zamonaviy maktab formasi bilan ta’minlash chora-tadbirlari toʻgʻrisida»gi qarori imzolandi, deya хabar qiladi Xalq ta’limi vazirligi.
Qaror bilan oʻquvchilar uchun maktab formalari namunalari tasdiqlandi:
- 2018/2019 oʻquv yilidan boshlab – iхtiyoriy tartibda;
- 2019/2020 oʻquv yilidan boshlab – majburiy tartibda.
Maktab direktorlari va oʻqituvchilarining maktab formasini tanlash va sotib olish jarayoniga aralashishlari taqiqlanadi.
«Oʻztoʻqimachiliksanoat» uyushmasi tomonidan tasdiqlanadigan roʻyхatdagi korхonalar forma ishlab chiqarish bilan shugʻullanadi.
Maktab formasini respublikaning barcha tumanlari va shahar markazlarida tashkil etiladigan maхsus savdo shoхobchalaridan sotib olish mumkin.
Ota-onalarga maktab formalarini хarid qilish uchun Markaziy bankning qayta moliyalashtirish stavkasidan oshmaydigan foiz stavkasi (material e’lon qilingan paytda – 14%) boʻyicha olti oydan kam boʻlmaydigan muddatga qisqa muddatli iste’mol kreditlari ajratiladi.
.png)
