Вазирлар Маҳкамасининг 15.08.2018 йилдаги «Давлат умумий ўрта таълим муассасалари ўқувчиларини замонавий мактаб формаси билан таъминлаш чора-тадбирлари тўғрисида»ги қарори имзоланди, дея хабар қилади Халқ таълими вазирлиги.
Қарор билан ўқувчилар учун мактаб формалари намуналари тасдиқланди:
- 2018/2019 ўқув йилидан бошлаб – ихтиёрий тартибда;
- 2019/2020 ўқув йилидан бошлаб – мажбурий тартибда.
Мактаб директорлари ва ўқитувчиларининг мактаб формасини танлаш ва сотиб олиш жараёнига аралашишлари тақиқланади.
«Ўзтўқимачиликсаноат» уюшмаси томонидан тасдиқланадиган рўйхатдаги корхоналар форма ишлаб чиқариш билан шуғулланади.
Мактаб формасини республиканинг барча туманлари ва шаҳар марказларида ташкил этиладиган махсус савдо шохобчаларидан сотиб олиш мумкин.
Ота-оналарга мактаб формаларини харид қилиш учун Марказий банкнинг қайта молиялаштириш ставкасидан ошмайдиган фоиз ставкаси (материал эълон қилинган пайтда – 14%) бўйича олти ойдан кам бўлмайдиган муддатга қисқа муддатли истеъмол кредитлари ажратилади.
