Prezidentning 21.06.2021 yildagi «Yangi Andijon» shaharchasini barpo etish va Andijon viloyatida tadbirkorlikni yanada qoʻllab-quvvatlash chora-tadbirlari toʻgʻrisida»gi PQ-5154-son qarori qabul qilindi.
Andijon viloyatida ijtimoiy-iqtisodiy va muhandislik-kommunikatsiya tarmoqlarini hamda tadbirkorlikni rivojlantirish uchun Tiklanish va taraqqiyot jamgʻarmasidan quyidagi mablagʻlar ajratiladi:
a) «Yangi Andijon» shaharchasini barpo etish uchun Oʻzbekiston Respublikasi Davlat byudjetiga markazlashgan investitsiyalarni oshirish hisobiga qaytarib bermaslik sharti bilan – $100 mln ekvivalentida, shundan:
- $25 mln ekvivalentidagi mablagʻlar – ijtimoiy soha ob’yektlarini qurishga, shu jumladan Andijon tibbiyot instituti ob’yektlari uchun;
- $15 mln ekvivalentidagi mablagʻlar – yoʻl oʻtkazgichini va yoʻl infratuzilma ob’yektlarini barpo etishga;
- $60 mln ekvivalentidagi mablagʻlar – kommunikatsiya tarmoqlari, muhandislik infratuzilmasini yaratishga, loyihalashtirish ishlariga, qurilish ishlarini nazorat qilish, boshqarish va boshqa хarajatlarga;
b) Andijon viloyatida kichik va oʻrta tadbirkorlikni rivojlantirish uchun – $80 mln ekvivalentida tijorat banklariga, shundan:
- $40 mln ekvivalentidagi mablagʻlar 3 yillik imtiyozli davr bilan 7 yil muddatga 7% stavkasida – teng ulushda «Oʻzsanoatqurilishbank» va «Qishloq qurilish bank» aksiyadorlik tijorat banklari orqali 200 ta mahallada kooperatsiya asosida kichik biznesni va oilaviy tadbirkorlikni rivojlantirishga koʻmaklashish maqsadida biriktirilgan «yetakchi» tadbirkorlik sub’yektlarini moliyaviy qoʻllab-quvvatlashga;
- $40 mln ekvivalentidagi mablagʻlar 3 yillik imtiyozli davr bilan 7 yil muddatga 11% stavkasida - «Agrobank» aksiyadorlik tijorat banki orqali issiqхona massivlarini barpo etish va aholi хonadonlarida issiqхonalar tashkil etishni moliyalashtirishga;
v) kichik biznes va oilaviy tadbirkorlikni rivojlantirish maqsadlari, shu jumladan bank kreditlari boʻyicha kafilliklar berish uchun Tadbirkorlik faoliyatini qoʻllab-quvvatlash davlat jamgʻarmasi resurs bazasini oshirish hamda Xonobod shahrida ijtimoiy-iqtisodiy va muhandislik-kommunikatsiya tarmoqlarini barpo etish tadbirlarini moliyalashtirish uchun Davlat byudjetiga qaytarib bermaslik sharti bilan – $20 mln ekvivalentida.
Hujjat Qonun hujjatlari ma’lumotlari milliy bazasida e’lon qilingan va 21.06.2021 yildan kuchga kirdi.
Elmira Siraziyeva.