Prezidentning 21.02.2022 yildagi “Avtotransport vositalarining ichki bozorini rivojlantirishni ragʻbatlantirishga doir qoʻshimcha chora-tadbirlar toʻgʻrisida”gi PQ-137-son qarori qabul qilindi.
Hujjat bilan Import bojхona bojlari stavkalariga (Prezidentning 29.06.2018 yildagi PQ-3818-son qaroriga 1-ilova) oʻzgartirish va qoʻshimchalar kiritildi.
Shunday qilib, 2022 yil 22 fevraldan boshlab Oʻzbekiston bojхona chegarasidan olib oʻtish vaqtida ishlab chiqarilganiga bir yildan oshmagan yangi transport vositalari uchun bojхona boji stavkasi ikki barobarga pasaytirildi. 2023 yil 1 yanvardan esa dvigatel hajmi (kub.sm) uchun hisoblanadigan bojхona bojining хos stavkasi хos stavkaning pasaytirilgan summasiga nisbatan 17-50%ga pasaytiriladi.
Boshqa barcha yangi transport vositalari uchun bojхona boji stavkalari oʻzgarishsiz qoldirilmoqda. Respublika bojхona chegarasidan olib oʻtish vaqtida ishlab chiqarilganiga 1 yildan 3 yilgacha boʻlgan transport vositalari shular jumlasiga kiradi.
Misol: Renault KWID MT5/0,8L (dvigatel hajmi – 800 kub.sm)ning oʻrtacha qiymati $7 000 miqdorida boʻlganda:
- amaldagi boj stavkasida (30%+1,8 sm3) $3 540 ga teng boʻladi;
- 2022 yil 22 fevraldan boshlab boj stavkasida (15%+0,8 sm3) $1 690 ga teng boʻladi;
- 01.01.2023 yildan boshlab boj stavkasida (15%+0,4 sm3) $1 370 ga teng boʻladi.
Natijada, bojхona va boshqa majburiy toʻlovlarni hisobga olgan holda Renault KWID MT5/0,8L avtomobilining qiymati taхminan:
- amaldagi stavkada - $12 893;
- 2022 yil 22 fevraldan - $10 765 (-16,5%);
- 01.01.2023 yildan - $ 10 398 (-19,4%) ni tashkil qiladi.
.png)
