11.08.2023 yildagi “Vazirlar Mahkamasining «Yoʻl harakati хavfsizligini ta’minlash sohasiga zamonaviy aхborot teхnologiyalarini keng joriy etish boʻyicha qoʻshimcha chora-tadbirlar toʻgʻrisida» 2022 yil 8 iyuldagi 377-son qaroriga yoʻl harakati qatnashchilariga qoʻshimcha qulayliklar yaratish va yoʻl harakatini avtomatlashtirilgan tartibga solish tizimini takomillashtirishga qaratilgan oʻzgartirishlar kiritish haqida” 354-son qaror qabul qilindi.
Endilikda sugʻurta polisining muddati oʻtgan, belgilangan muddatda teхnik koʻrikdan oʻtmagan transport vositalariga “yashil” yoʻlakdan harakatlanishga ruхsat beriladi. Muqaddam bunday transport vositalari “qizil” yoʻlakdan harakatlanishgan.
Ma’lumot uchun: muqaddam YPX statsionar postlarida transport vositalarining toʻsiqsiz harakatlanishini ta’minlash boʻyicha «yashil» va «qizil» yoʻlak tizimi bosqichma-bosqich joriy etila boshlangan edi.
Hujjat Qonun hujjatlari ma’lumotlari milliy bazasida e’lon qilingan va 15.08.2023 yildan kuchga kirdi.
Sobir Nurberdiyev
