Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:12 дел для главбуха до конца 2021 года 12 НПА, повлиявших на «коммерческую» медицину в 2021 году Как подстроиться под последние нововведения в чеках онлайн-ККТ Как без ошибок отразить данные онлайн-ККТ в персональном кабинете налогоплательщика и расчете по налогу

Архив иши ва иш юритиш соҳасида янги регламентлар қабул қилинди

30.09.2021

Читать на русском языке

Вазирлар Маҳкамаси томонидан 23.09.2021 йилдаги «Архив иши ва иш юритиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида»ги 597-сон қарор қабул қилинди.

 

Ҳужжат Президентнинг 24.07.2021 йилдаги «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида»ги ПФ-6269-сон Фармони ижросини таъминлаш мақсадида қабул қилинган.

 

Қуйидагилар тасдиқланди:

  • Яроқсиз ҳолатга келган ёки йўқотилган меҳнат дафтарчасидаги ёзувларни тасдиқлаш бўйича давлат хизмати кўрсатишнинг маъмурий регламенти (1);
  • Мавзули сўровларни ижро этиш бўйича давлат хизмати кўрсатишнинг маъмурий регламенти.

 

Маъмурий регламент (1) жисмоний шахсларга ёки уларнинг яқин қариндошларига (эри ёки хотини, фарзандлари, неваралари, ака-ука ва опа-сингиллари) (кейинги ўринларда – ариза берувчи) давлат хизматларини кўрсатиш тартибини белгилайди. Меҳнат дафтарчасидаги ёзувлар давлат архивларида сақланаётган ташкилотлар ҳужжатларига асосан тасдиқланади.

 

Ушбу хизмат давлат хизматлари марказлари ёки Ягона интерактив давлат хизматлари портали (ЯИДХП) орқали давлат архивлари томонидан кўрсатилади.

 

Давлат хизматлари марказлари ва давлат архивлари ўртасидаги ахборот алмашинуви ЭРИни мажбурий тартибда қўллаш орқали фақат идоралараро электрон боғланиш ёрдамида амалга оширилади.

 

Давлат хизматларидан фойдаланиш учун ариза берувчи ўзи келиб мурожаат этиши керак ёки хизматлар электрон шаклда кўрсатилади. Ариза берувчи ишончнома асосида ҳаракат қилганда, сўровномага нотариал тасдиқланган ишончнома нусхаси илова қилинади.

 

ЯИДХП орқали сўровнома берилганда уни ЭРИ билан тасдиқлаш талаб этилмайди.

 

Яроқсиз ҳолатга келган ёки йўқотилган меҳнат дафтарчасидаги битта ташкилотдаги иш кирган ва ишдан бўшаганлиги бўйича ёзувларни тасдиқлаш учун 0,08 БҲМ миқдорида йиғим ундирилади. Бунда ЯИДХП орқали сўровнома берилганда белгиланган сумманинг 90%и миқдорида йиғим ундирилади.

 

Ариза берувчи томонидан йиғимни тўламаслик давлат хизматини кўрсатишни рад этиш учун асос ҳисобланади. Давлат хизматлари кўрсатишни бошқа асослар бўйича рад этиш тақиқланади.

 

Маълумотлар сўровнома тушган вақтдан бошлаб 20 иш кунидан ошмаган муддатда давлат архиви томонидан шакллантирилади ҳамда тегишли давлат хизматлари марказига ёки ЯИДХП орқали электрон шаклда ариза берувчига юборилади.

 

Ҳужжат Қонун ҳужжатлари маълумотлари миллий базасида эълон қилинган ва 24.09.2021 йилдан кучга кирди.


Наргиза Воҳидова.


Курс валют

2021-11-29
  • USD:10777.04 (+0.00) сум
  • EUR:12140.34 (+0.00) сум
  • RUB:142.21 (+0.00) сум