Президентнинг 19.07.2018 йилдаги «Ўзбекистон Республикаси Вазирлар Маҳкамаси ҳузурида Атом энергетикасини ривожлантириш агентлиги фаолиятини ташкил этиш тўғрисида»ги ПҚ–3870-сон қарори эълон қилинди.
Таҳририятдан: ушбу ҳужжат ва 75 000 та бошқа норматив-ҳуқуқий ҳужжатлар тушунтиришлари билан бирга «ЎзР қонунчилиги» АҚТда жамланган. Намойиш версиясини бу ерда юклаб олинг (32,1 МБ).
Эслатиб ўтамиз, Президентнинг 19.07.2018 йилдаги ПФ–5484-сон Фармони билан тинчлик мақсадларида Ўзбекистон атом энергетикасини ривожлантириш мақсадида «Ўзатом» агентлиги ташкил этилди. Унинг ҳузурида Атом энергетикасини ривожлантириш жамғармаси (юридик шахсни ташкил этмаган ҳолда) ташкил этилди. Жамғарма «Навоий КМК» ДК табиий уранни экспорт қилишидан келиб тушадиган маблағларнинг 10%игача бўлган қисми, халқаро грантлар ва бошқа тақиқланмаган манбалардан келиб тушадиган маблағлар ҳисобига шакллантирилади.
Жамғармадан қуйидагилар молиялаштирилади:
- соҳадаги инвестиция лойиҳаларини амалга оширишга тайёрлаш бўйича ташкилий ишлар;
- Ўзатом ходимларини моддий рағбатлантириш, уларнинг хорижий хизмат сафарлари, шунингдек уларни тайёрлаш, қайта тайёрлаш ва малакаларини ошириш;
- Агентликнинг моддий-техника базасини мустаҳкамлаш ва унинг фаолияти билан боғлиқ бошқа тадбирлар.
Ҳужжат Қонун ҳужжатлари маълумотлари миллий базасида эълон қилинган ва 20.07.2018 йилдан кучга кирди.
Олег Заманов.
