Президент томонидан 14.06.2023 йилдаги “Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида”ги ПФ-96-сон Фармон имзоланди.
Ҳужжатга мувофиқ, «Узмедимпекс» ва «IT-Med» МЧЖлар оммавий савдолар орқали тўлиқ сотилаётган ташкилотлар рўйхатидан чиқарилмоқда.
Маълумот учун: муқаддам қайта ташкил этиладиган ва тугатиладиган давлат корхоналарининг рўйхатлари тасдиқланган эди.
Коронавирус инфекцияси билан касалланган беморлар жойлашган муассасаларда фаолият олиб бораётган тиббиёт ва бошқа ходимлар ҳамда коронавирус инфекциясини аниқлаш лабораториялари ходимларига ишлаган даври учун махсус устама тўлови 200 дан 50% га туширилмоқда.
Ҳужжат Қонун ҳужжатлари маълумотлари миллий базасида эълон қилинган ва 16.06.2023 йилдан кучга кирди.
Собир Нурбердиев.
