Президент томонидан "Суд-экспертлик фаолияти тўғрисида"ги Қонун (11.06.2026 й. ЎРҚ-1152-сон) имзоланди. У 6 ойдан сўнг кучга киради.
Адлия вазирлиги томонидан Суд-тиббий экспертларининг давлат реестри ва Суд-экспертиза тузилмаларининг давлат реестри юритилади.
Суд-экспертлик фаолияти билан ҳам давлат, ҳам нодавлат ташкилотлари шуғулланиши мумкин.
Қонунда суд-тиббий экспертига қўйиладиган касбий ва малака талаблари белгиланган. Хусусан, давлат ва нодавлат суд-тиббий эксперт лавозимини олий маълумотга эга бўлган, суд-тиббий экспертизасининг муайян мутахассислиги бўйича тайёргарликдан ўтган ва суд-тиббий экспертизалар ўтказиш ҳуқуқини берувчи тегишли гувоҳномага эга бўлган Ўзбекистон фуқароси эгаллаши мумкин.
Текширишларни ўтказиш ва хулоса тайёрлаш учун суд экспертизасини тайинлаган орган суд экспертига зарур текшириш объектлари ва иш материалларини тақдим этади. Суд экспертизасини ўтказиш муддати 30 календарь кунни ташкил этади.
Ҳужжат Қонун ҳужжатлари маълумотлари миллий базасида эълон қилинган ва 13.12.2026 йилдан кучга киради.
Лола Абдуазимова
