Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:Как продать квартиру работнику: бухучет и налоговые последствия Что делать экспортеру, если программа приняла в зачет сумму больше положенной В НК внесли нормы об уплате налогов в рассрочку без залога Какие выплаты относятся к доходам в виде оплаты трудаВ ЕНСТ появилась возможность обновлять данные при замене паспортов

Ўзбекистон Турғун органик ифлослантирувчи моддалар ҳақидаги Стокгольм конвенциясини ратификация қилди

10.05.2019

Читать на русском языке

 

Адлия вазирлиги давлатимиз раҳбари томонидан 2019 йил 8 майда тегишли ЎРҚ–535-сон Қонун имзолангани ҳақида хабар берди.

 

Турғун органик ифлослантирувчи моддалар ҳақидаги Стокгольм конвенциясида (Стокгольм, 2001 йил 22 май) ушбу моддаларни қасддан ёки беқасд ишлаб чиқариш ва қўллаш натижасида ҳосил бўладиган ифлослантирувчи моддаларни қисқартириш ёки йўқотишга доир, шунингдек уларнинг захиралари ва чиқиндилари билан боғлиқ комплекс чора-тадбирлар назарда тутилган.

 

Мажбуриятларни бажариш режаларида муайян амалий қадамлар акс эттирилади, уларни ҳар бир иштирокчи давлат ишлаб чиқади ва Стокгольм конвенцияси унинг учун кучга киргач 2 йил мобайнида Тарафлар Конференцияси – мазкур халқаро шартнома билан махсус таъсис этилган органга йўллайди.

 

Бундан ташқари, конвенцияда турғун органик ифлослантирувчи моддалар масалалари юзасидан ахборот бериш, жамоатчиликни хабардор қилиш ва билимини ошириш, мазкур соҳада илмий тадқиқотлар, ишланмалар ва мониторинг олиб бориш назарда тутилган. Миллий режалар, устувор вазифалар ва дастурларга мувофиқ конвенция мақсадларига эришишга йўналтирилган тадбирлар иштирокчи мамлакат имконияти доирасида зарур даражада молиявий жиҳатдан қўллаб-қувватланиши лозим.