Пенсиянинг меъёри ва таъминоти қандай бўлади

Молия вазирлиги ҳузуридаги Бюджетдан ташқари пенсия жамғармасининг (расмий pfru.uz сайти) «Пенсия» дастур мажмуаси пенсия ва нафақа оладиган 2,5 миллион пенсионер ва 237 минг фуқарога тегишли ягона маълумотлар базасидир.

Меҳнат фаолиятини якунлаган ҳар бир инсонни, энг аввало, унга қанча пенсия тайинланиши ўйлантирмокда. Умуман олганда, ижтимоий таъминотнинг мазкур тури ишлаётган ҳар бир кишини бефарқ қолдирмайди. Аммо бу борада баъзан тушунмовчиликлар, муаммолар юзага келиб туради.

Сир эмаски, айрим юртдошларимиз чет элда ишлаган. Уларни   иш стажи ва пенсия меъёри қандай  бўлади? Агарда мамлакатимиз фуқароси Меҳнат вазирлигининг Ташқи меҳнат миграцияси масалалари агентлиги орқали шартнома тузиб, чет элда ёлланган ҳолда ишласа ва Пенсия жамғармасига ўрнатилган тартибда суғурта бадалларини тўласа (ҳар ойда энг кам иш ҳақи миқдорида), унинг иш стажи ва тўлаган суғурта бадали пенсия тайинланганда ҳисобга олинади. 

Алия ЮНУСОВА,

Олий Мажлис  Қонунчилик палатаси депутати,

 ЎзХДП фракцияси аъзоси