Олий Мажлис юқори палатасининг XV ялпи мажлисида сенаторлар тўй-ҳашамлар ва оилавий тантаналарнинг ўтказилиши борасида якуний қарорга келишди.
Халқимизнинг миллий урф-одатлари, ҳудудларнинг ўзига хослигидан келиб чиқиб, сенаторлар тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилиши борасида ягона, қатъий нормалар белгиланиши мақсадга мувофиқ эмас, деган хулосага келишган.
Тадбирларни ихчам ўтказишни йўлга қўйишга одамлар ўртасида кенг кўламли тарғибот-ташвиқот, шахсий ибрат, намунали тадбирлар мисолида эришиш мумкин.
Сенаторларнинг фикрича, оилавий тадбирлар миллий қадриятлар асосида, камхарж, дабдабалардан холи ўтказилиши даркор.
