Ўзгартиришлар Тошкент шаҳар Кенгашининг 14.10.2015 йилдаги 55/7-5-сон қарорига асосан амалга оширилди.
Инчунун, ҳужжатга муқофиқ Янгиҳаёт берк кўчаси Кулолқўрғон 9-берк кўчаси, А. Чехов кўчаси Фидокор кўчасига ўзгартирилди. Шуманай 7-тор кўчаси ҳам ўзгартирилди, энди у Афзал кўчаси деб номланади. Қизилғунча кўчасининг номи Нурфайз кўчасига ўзгарди, тегишинча, унинг тор кўча ва берк кўчаларининг номи ҳам ўзгарди.
Қарор билан аввал номсиз бўлган янги кўча, берк кўча ва тор кўчаларга номлар берилди. Улар орасида яқинда ҳайкали кўчириб келтирилган Пушкин хиёбони ҳам бор.
Шунингдек Ҳамкоробод маҳалласига туташ кўча ва тор кўчаларга (Ғиштқўрғон 1 ва 2-тор кўчалари, Ҳамкоробод 9–10-тор кўчалари, Ҳамкоробод берк кўчаси), “Гулзор” маҳалласига туташ берк ва тор кўчаларга (6–8-тор кўчалар, 1–3-тор кўчалар Сағбон Оқтепа деб номланди), “Хислат” маҳалласи ёнидаги кўча ва тор кўчаларга (кўча Хислатобод деб номланди, унинг 1 дан 11 гача тор кўчаларининг номи ҳам шу каби), “Чўпонота” маҳалласига тегишли кўча, берк кўчалар ва тор кўчаларга (кўча, 1–4-тор кўчалар ва берк кўча Иззаариқ деб номланди), шунингдек “Зафаробод” маҳалласига туташ кўчанинг тор кўчасига ҳам ном берилди, – Нуробод 5-тор кўчаси.
Қабул қилинган қарор билан бир ой муддатда ҳужжатларга тегишли ўзгартиришлар киритиш топширилди.
