Янги Меҳнат кодексидаги кўпгина ўзгартиришлар ҳар йилги меҳнат таътилини, ижтимоий ва бошқа таътилларни беришга тааллуқли. Кадрлар бўлими ходими бошқа янгиликлар билан танишишни кейинга қолдира олса ҳам, таътиллар жадвалини яқин орада – декабрь ойида тузишига тўғри келади. Ўзига ҳам, иш берувчига ҳам, ходимларга ҳам муаммо туғдирмаслик учун ҳозирданоқ кўп масалаларни яхши англаши лозим.
Kadrovik.uz юридик фанлар номзоди, Меҳнат кодекси муаллифларидан бири Михаил ГАСАНОВ ва «Норма» эксперти, юрист Ленара ХИКМАТОВА бу масалада тушунтириш берганликлари учун миннатдорчилик билдиради.
Мавзу салмоқли бўлгани боис уни уч қисмга бўлдик.
– Янги МКда бериладиган таътилларнинг турлари батафсил очиб берилган. Улар жами 4 та (28.10.2022 йилдаги 798-сон ЎРҚ таҳриридаги МК 213-м.):
- ҳар йилги меҳнат таътили;
- ижтимоий таътиллар;
- иш ҳақи қисман сақланадиган таътил;
- иш ҳақи сақланмайдиган таътил.
Ушбу таътиллар орасида биз учун янги тури – иш ҳақи қисман сақланадиган таътил. У ҳақда кейинроқ сўз юритамиз.
Санаб ўтилган таътилларнинг барча 4 та тури меҳнат шартномаси асосида ишловчиларга берилади.
Давомини kadrovik.uz сайтида ўқинг.
