Инвесторлар учун имтиёзлар сақлаб қолинади

Йўқ, таъсир этмайди. Инвестициялаш шароитлари ёмонлашган тақдирда кейинчалик қонунчиликда жорий этиладиган солиқ имтиёзлари улар тақдим этилган муддат мобайнида амалда бўлади. 

Масалан, агар сизнинг ташкилотингизга даромад солиғи бўйича имтиёз 2020 йилгача тақдим этилган бўлса, инвестициялаш бўйича қонунчилик ўзгарган тақдирда ҳам имтиёз 2020 йилгача амал қилаверади.

Аммо иккита истисно ҳолат мавжуд:

- биринчидан, агар сизнинг ташкилотингиз имтиёз белгиланган вақтда ўрнатилган талабларга жавоб бермаган бўлса ва бу ҳолат ўша вақтда аниқланмаган бўлса.  Бундай вазиятда сиз имтиёз бўйича озод этилган солиқ ва мажбурий тўловларни тўлашингиз керак. Шунингдек, сизга нисбатан молиявий санкциялар қўлланиши ҳам эҳтимолдан ҳоли эмас;

- иккинчидан, агар ташкилотингизнинг фаолияти имтиёзлар тақдим этилгандан кейинги бир йил муддат ичида тугатиб юборилган бўлса. Ушбу ҳолатда  сизнинг хорижий инвесторингиз тақдим этилган солиқ имтиёзлари суммасини бюджетга қайтарган тақдирдагина  фойдасини репатриация қилиши ва ўз капиталини чет элга олиб чиқиши мумкин бўлади.

Елена ЕРМОХИНА,
эксперт-юристимиз