Ортиқча вазифалар, такрорланадиган жиҳатларни қандай аниқлаш ва ташкилот ишини оптималлаштириш мумкин? Саволга «OLSOFT» компаниясининг лойиҳа менежери Тимур Шарапов жавоб беради.
Кўп давлатларда жараён бошқаруви услублари ва компьютер дастурлари – BPM-тизимлардан кенг фойдаланилади. Ушбу технологиялар Ўзбекистонда ҳам жорий этилмоқда.
Мазкур тизимлар жараёнларнинг шаффофлиги ва назорат қилинишини ва уларни бажариш тезлигини оширади, компания мижозлари учун сервис сифатини яхшилайди. Алоҳида бизнес жараёнларга қаратилган функционал йўналтирилган тизимлардан фарқли ўлароқ, етарли даражада мослашувчан эмас ва жорий вазиятни қайд қилиш учун мўлжалланган. BPM-тизимлар бизнес эҳтиёжлари ва АТни реализация қилиш ўртасидаги тафовутни қисқартиради. Улар бизнес-жараёнларни мунтазам ўзгартириб боришга йўналтирилган ҳамда нуқсонларни аниқлаш ва тузатиш имконини беради, “қандай” ва “қандай бўлиши керак” моделлари ўртасидаги тафовутни камайтиради, вазиятни ўзгартириш имконини беради.
АҚШнинг «Gartner» тадқиқот ва консалтинг компанияси баҳосига кўра:
- ВРМ-тизимларни жорий этиш бўйича лойиҳаларнинг 95%и муваффақиятли бўлган;
- барча лойиҳаларнинг 67%и 6 ойдан, шу жумладан, уларнинг ярми – 4 ойдан камроқ муддатда муваффақиятли ниҳоясига етказилган;
- барча лойиҳаларнинг инвестициявий қопланувчанлиги камида 10% бўлган.
Шу билан бирга, бу каби лойиҳаларни амалга оширишга қарор қилган компаниялар етказиб берувчини танлаш ва қарорнинг ўзидан тортиб, шакллантирилган АТ-инфратузилмага ВРМни интеграциялашгача кўплаб муаммоларга дуч келмоқдалар. 4 май куни «Norma» профессионал ривожланиш марказида ўтказиладиган семирнарда жараён бошқарувини жорий этиш масалалари бўйича суҳбатлашамиз. Семинарда иштирок этиш учун Марказ сайтида олдиндан ёзилиш мумкин.
