Вазирлар Маҳкамасининг 17.05.2017 йилдаги 291-сон қарори билан сотилиши, бепул фойдаланишга топширилиши ҳамда бузилиши лозим бўлган давлат мулки объектлари рўйхати тасдиқланди.
Илгари уларни хусусийлаштиришда ташкилотларга тасарруф этиш ҳуқуқисиз фойдаланишга берилган давлат ижтимоий инфратузилма объектлари хатловдан ўтказилганди. Унинг якунларига кўра қуйидагилар тўғрисида қарор қабул қилинди:
- айрим давлат мулки объектларини сотиш (баҳолашни ўтказиш ва савдога қўйиш жадвалари бир ой муддатда тасдиқланади);
- янада самарали фойдаланиш учун қатор объектларни давлат органларига оператив бошқарув ҳуқуқида ҳамда ташкилотларга бепул фойдаланишга топшириш (уларнинг бир қисми объектга бўлган ҳуқуқни аниқлаштирган ҳолда баланс сақловчи тасарруфида қолиши керак);
- давлат мулки объектларини хўжалик бошқаруви органлари устав капиталига топшириш;
- ваколатли органлар хулосалари ва туман (шаҳар) ҳокимликлари қарорлари бўйича айрим объектларни бузиш (бузиш жадваллари маҳаллий давлат ҳокимияти органлари томонидан Давлат архитектура ва қурилиш қўмитаси билан биргаликда бир ой ичида тасдиқланади);
- уй-жой биноларидан самарали фойдаланиш, шу жумладан унда яшаётганларнинг устун ҳуқуқи билан уларни хусусийлаштириш.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
.png)
