2.10.2018 йилдаги ЎРҚ–490-сон «Ўзбекистон Республикаси Давлат хавфсизлик хизмати кунини белгилаш тўғрисида»ги Қонун эълон қилинди.
Мазкур Қонунга мувофиқ 5 апрель Давлат хавфсизлик хизмати куни этиб белгиланди. Бу санада «Ўзбекистон Республикаси Давлат хавфсизлик хизмати тўғрисида»ги Қонун қабул қилинган.
Эслатиб ўтамиз, ДХХ (илгари – МХХ) – мамлакатимизнинг конституциявий тузумини, суверенитетини, ҳудудий яхлитлигини ҳамда бошқа манфаатларини ташқи ва ички таҳдидлардан ҳимоя қилиш масалалари бўйича махсус ваколатли орган.
Идоранинг асосий функциялари, вазифалари ва фаолият йўналишлари Президентнинг 14.03.2018 йилдаги «Ўзбекистон Республикасининг давлат хавфсизлиги тизимини такомиллаштириш чора-тадбирлари тўғрисида»ги ПФ–5379-сон Фармони ва «Ўзбекистон Республикаси давлат хавфсизлик хизмати тўғрисида»ги Қонунда белгиланган.
Ҳужжат «Халқ сўзи» газетасида эълон қилинган ва 3.10.2018 йилдан кучга кирди.
Олег Заманов.
