Транспорт вазирининг буйруғи билан Ўзбекистон Республикасининг аэропортлари ва ҳаво ҳудудида ҳаво кемаларига хизмат кўрсатиш учун йиғим, тарифларни шакллантириш ва ундириш қоидалари тасдиқланди (рўйхат рақами 3244, 13.06.2020 й.).
Қоидалар Ҳаво кодекси, фуқаро авиациясини такомиллаштириш ва туризмни ривожлантириш бўйича ҳукумат қарорлари, шунингдек Халқаро фуқаро авиацияси ташкилоти (ИКАО) тавсияларига мувофиқ ишлаб чиқилган.
Ҳаво кемаларида кўрсатилган хизматлар учун аэронавигация йиғимлари Европа аэронавигация хавфсизлигини таъминлаш ташкилотининг (EUROCONTROL) методикасига мувофиқ ҳисобланади.
Ўзбекистон аэропортларида ҳаво кемаларига хизмат кўрсатиш ва аэронавигация хизматлари учун йиғим ва тарифлар ички ва халқаро рейсларга қараб табақалаштирилади.
Ўзбекистон резиденти ҳисобланган, мамлакат ичида парвозларни амалга оширадиган авиакомпаниялар учун қонун ҳужжатларига мувофиқ ягона йиғим ва тарифлар белгиланади.
Қоидаларда кўрсатиладиган ҳар бир хизмат тури бўйича тарифларни шакллантириш механизми батафсил баён этилади, хусусан аэропортларда ер усти хизматларини кўрсатиш учун 45 турдаги йиғимлар белгиланган.
Ҳужжат Қонун ҳужжатлари маълумотлари миллий базасида эълон қилинган ва 14.09.2020 йилдан кучга киради.
Лола Абдуазимова.
.png)
