Вазирлар Маҳкамасининг 07.05.2025 йилдаги «Минтақавий авиаташувларни ва ички туризмни янада такомиллаштириш бўйича қўшимча чора-тадбирлар тўғрисида»ги 302-сон қарори қабул қилинди.
Ҳужжатга асосан 24.02.2021 йилдаги 100-сон ВМҚга мувофиқ Uzbekistan Airways учун ички қатновларга белгиланган махсус тарифлар ва субсидиялар Ўзбекистоннинг барча резидент авиаташувчиларига татбиқ этилади.
Хусусан, уларга ҳам ички қатновларга эконом-класс чипталари нархининг 25 фоизи қайтарилади. Бунда йўналишлар, чипта нархлари ва субсидия миқдорларини махсус комиссия тасдиқлайди.
Тегишли ўзгартиришлар Вазирлар Маҳкамасининг 24.02.2021 йилдаги «Ички ва зиёрат туризмини ривожлантириш бўйича қўшимча чора-тадбирлар тўғрисида» 100-сон қарорига киритилди.
Ҳужжат Қонун ҳужжатлари маълумотлари миллий базасида эълон қилинган ва 08.05.2025 йилдан кучга кирди.
Лола Абдуазимова
