Vazirlar Mahkamasining 07.05.2025 yildagi «Mintaqaviy aviatashuvlarni va ichki turizmni yanada takomillashtirish boʻyicha qoʻshimcha chora-tadbirlar toʻgʻrisida»gi 302-son qarori qabul qilindi.
Hujjatga asosan 24.02.2021 yildagi 100-son VMQga muvofiq Uzbekistan Airways uchun ichki qatnovlarga belgilangan maхsus tariflar va subsidiyalar Oʻzbekistonning barcha rezident aviatashuvchilariga tatbiq etiladi.
Xususan, ularga ham ichki qatnovlarga ekonom-klass chiptalari narхining 25 foizi qaytariladi. Bunda yoʻnalishlar, chipta narхlari va subsidiya miqdorlarini maхsus komissiya tasdiqlaydi.
Tegishli oʻzgartirishlar Vazirlar Mahkamasining 24.02.2021 yildagi «Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida» 100-son qaroriga kiritildi.
Hujjat Qonun hujjatlari ma’lumotlari milliy bazasida e’lon qilingan va 08.05.2025 yildan kuchga kirdi.
Lola Abduazimova
