Вазирлар Маҳкамасининг 5.08.2016 йилдаги 252-сон қарори билан акциядорлик жамиятларига хорижий инвесторларни жалб этишга доир қўшимча чора-тадбирлар белгиланди.
- www.norma.uz
- Қонунчиликдаги янгиликлар
- Айрим АЖларга инвесторларни жалб этишлари учун муддат узайтирилди
Айрим АЖларга инвесторларни жалб этишлари учун муддат узайтирилди
22.08.2016
Эслатиб ўтамизки, Президентнинг 21.12.2015 йилдаги ПҚ–2454-сон қарори билан шундай тартиб белгиландики, унга мувофиқ АЖ устав капиталидаги хорижий инвесторнинг улуши 15 фоиздан кам бўлмаслиги керак. 2016 йилнинг 1 июлигача мазкур талабни бажара олмаган АЖлар солиқ имтиёзлари ва преференциялар беришдан келиб чиқадиган барча оқибатларни ҳисобга олган ҳолда, улар акциядорлик жамиятлари реестридан чиқарилади ва бошқа ташкилий-ҳуқуқий шаклларга ўзгартирилади.
Мазкур тартиб стратегик маҳсулотлар ишлаб чиқариш ва бирламчи қайта ишлаш соҳасида фаолият юритаётган АЖлар, шунингдек табиий монополия субъектлари ва Вазирлар Маҳкамаси томонидан тасдиқланадиган рўйхатлар бўйича нархи бошқариладиган ижтимоий аҳамиятга эга товарлар ва хизматларни етказиб берувчиларга татбиқ этилмайди.
Шунингдек 2016 йилнинг 1 июлидан бошлаб янги ташкил этиладиган АЖлар фақат хорижий инвесторнинг устав капиталидаги иштироки улуши 15 фоиздан кам бўлмаган тақдирдагина ташкил қилиниши мумкинлиги белгиланган эди.
Қабул қилинган қарорда хорижий инвесторларни жалб этиш чора-тадбирларини амалга ошириш натижасида давлат улушига эга бўлган АЖлар сони 2015 йилга нисбатан 1,7 баравар қисқарганлиги таъкидланди. Шу билан бирга, 17 та акциядорлик жамиятида улар раҳбарларининг ҳаракатсизлиги ҳамда менежментнинг самарали ташкил этилмаганлиги оқибатида хорижий инвесторларни жалб этиш жадваллари барбод қилинди.
АЖларнинг ҳар бири бўйича хорижий инвесторлардан уларнинг акциядорлар таркибига кириши юзасидан аниқ таклифлар киритишни назарда тутувчи қўшимча чора-тадбирлар комплекси ва янги тармоқ жадваллари ишлаб чиқилди.
Ҳукумат қарори билан қатор акциядорлик жамиятлари учун хорижий инвесторларни жалб этишнинг узил-кесил муддатлари белгиланди:
- 26 та акциядорлик жамиятида - 2016 йил 1 ноябргача;
- 61 та акциядорлик жамиятида - 2016 йил 31 декабргача.
Бундан ташқари, қарор билан қуйидагиларнинг рўйхатлари тасдиқланди:
- хорижий инвесторларнинг иштирокида ишлаб чиқариш қувватлари негизида қўшма корхона ташкил қилинадиган акциядорлик жамиятлари (15 та АЖ);
- танлов асосида «нолинчи» сотиш қиймати бўйича хусусий мулк этиб сотиладиган акциядорлик жамиятлари акциялари пакетлари ва давлат активлари (153 объект);
- юридик шахсларнинг бошқа ташкилий-ҳуқуқий шаклларида қайта ташкил этиладиган акциядорлик жамиятлари (35 та АЖ).
Агар кўрсатилган муддатларда хорижий инвесторлар жалб этилмаган тақдирда АЖлар бошқа ташкилий-ҳуқуқий шаклларда қайта ташкил этилади. Белгиланган муддатларда хорижий инвесторлар жалб этилишини таъминламаган АЖлар раҳбарларига нисбатан эгаллаб турган лавозимидан озод этишгача бўлган қатъий интизомий жазо чоралари қўлланилади.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз
Елена ЕРМОХИНА
тайёрлади.
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»