Президент 18.03.2019 йилда «Бирлашган Араб Амирликлари фуқаролари учун Ўзбекистон Республикасига кириш режимини янада соддалаштириш чора-тадбирлари тўғрисида»ги Фармонни имзолади.
2019 йил 20 мартдан бошлаб Бирлашган Араб Амирликлари фуқаролари учун Ўзбекистон ҳудудига кирган кундан эътиборан 30 кун муддатга визасиз режим белгиланди.
Ўзбекистонга иш юзасидан келадиган БАА фуқароларига эса 1 йил муддатгача бўлган кўп марталик визалар расмийлаштирилади. Ўзбекистоннинг чет элдаги муассасаларида бундай визани расмийлаштириш ҳужжатлар қабул қилинган кун ҳисобга олинмасдан 3 иш куни мобайнида амалга оширилади. Бунда таклиф қилаётган маҳаллий ташкилотнинг ТИВга мурожаат этиши талаб этилмайди.
Эслатиб ўтамиз, ушбу мамлакат фуқаролари учун илгари ҳам қулай виза режими назарда тутилган эди: улар электрон кириш визасини расмийлаштиришлари (батафсил қаранг), шунингдек Ўзбекистонга визасиз транзит кириб, бу ерда вақтинчалик (5 суткадан ортиқ эмас) бўлишлари мумкин эди.
Олег Заманов.
