Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Онлайн-НКМ ва виртуал касса солиқ органларида қандай тарзда рўйхатдан чиқариладиНима учун январь ойи ҳисоботида айланмадан олинадиган солиқ ставкаси нотўғри қўлланиладиҲуқуқдан ўзганинг фойдасига воз кечиш шартномаси бўйича валюта маблағларини ўтказиш мумкинмиҲуқуқдан ўзганинг фойдасига воз кечиш шартномаси бўйича валюта маблағларини ўтказиш мумкинми

Бензинда аралашмалар ва сув бўлмаслиги керак

30.11.2017

 

Вазирлар Маҳкамасининг 21.11.2017 йилдаги 931-сон қарори билан Автомобиль ва авиация бензинига, дизель ва кема ёнилғисига, реактив двигателлар учун ёнилғига ва мазутга қўйиладиган талаблар тўғрисидаги умумий техник регламент тасдиқланди.

 

Ҳужжатга кўра, фақат аралашмаларсиз тоза ёнилғи хавфсиз ҳисобланади. Бу эса қуйидагиларни англатади:

  • автомобиль бензини металл сақловчи присадкалар [1] (марганец, қўрғошин, темир) ва сув сақламаслиги керак. Бўёқдан (авиабензинда ишлатиладиган яшил ва қизил рангдан ташқари) ва белгиловчи моддалардан фойдаланишга йўл қўйилади;
  • дизель ёнилғисида металл сақловчи присадка қўлланилишига йўл қўйилмайди (антистатикдан ташқари);
  • реактив двигателлар учун ёнилғида юзага фаол таъсир кўрсатувчи ва бошқа кимёвий моддалар унинг хусусиятларини ёмонлаштирадиган миқдорда бўлмаслиги даркор.

 

Ёнилғининг экологик ва ёнғин хавфсизлиги атроф-муҳитни муҳофаза қилиш ва ёнғин хавфсизлиги масалаларини регламентга солувчи меъёрий ҳужжатлар талабларига риоя қилиш орқали таъминланади. Техник регламентда ёнилғини маркировка қилиш, ташиш ва сақлашга қўйиладиган талаблар акс эттирилган.

 

Ёнилғини идентификациялаш ва хавфсизлик кўрсаткичларига мувофиқлигини аниқлашни қуйидагилар ўтказиши даркор:

  • ёнилғини муомалага чиқарувчи ишлаб чиқарувчи;
  • сертификатлаштириш органи – ёнилғининг мувофиқлигини баҳолаш ва тасдиқлаш мақсадида;
  • назорат органи – мамлакатда муомалада бўлган маҳсулотнинг Техник регламент талабларига мувофиқлигини текшириш мақсадида.

 

Қабул қилинган техник регламентнинг талаблари давлат мудофаа буюртмаси бўйича етказиб бериладиган ёки мамлакат орқали транзит билан ўтказиладиган ёнилғига татбиқ этилмайди.

 

Ҳужжат Қонун ҳужжатлари маълумотлари миллий базасида расман эълон қилинган ва 24.05.2018 йилда кучга киради.    

 

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин. 


Олег Заманов,

экспертимиз

 


[1] Присадкаёнилғининг фойдаланиш хусусиятларини яхшилаш мақсадида унга қўшиладиган модда.

 

Валюталар курси

2024-04-26
  • USD:12640.21 (+0.00) сум
  • EUR:13559.15 (+0.00) сум
  • RUB:137.02 (+0.00) сум