Президент томонидан 12.06.2023 йилдаги “Ўзбекистон Республикаси Президентининг 2023 йил 10 апрелдаги "Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғргрисида"ги ПҚ-118-сон
қарорига ўзгартириш ва қўшимчалар киритиш ҳақида”ги ПҚ-185-сон Қарор имзоланди.
Ҳужжатга мувофиқ:
- хусусий шериклар томонидан кўмир маҳсулотлари захирасини яратишга бюджетдан режалаштирилган маблағлар доирасида олдиндан 50 фоизгача бўнак маблағлари молиялаштирилади, қолган маблағлар 1 сентябрга қадар молиялаштирилади;
- маҳаллий иситиш қозонлари ишлаб чиқарувчиларга Ўзбекистон Республикаси худудига хомашё ва эҳтиёт қисмларини олиб киришда ҚҚСни солиғини 6 ой муддатга фоизлар ҳисобланмаган ҳолда бўлиб-бўлиб тўлаш ҳуқуқи берилмоқда;
- Қорақалпоғистон Республикасининг олис худудларидаги объектлар бўйича хусусий шерикларнинг улуши камида 30 фоизни (бошқа худудлар учун 50 фоизни) ташкил этиши керак.
Маълумот учун: Ижтимоий соҳа объектларидаги иситиш тизимларининг куз-қиш мавсумида барқарор ишлашини таъминлаш мақсадида республика худудларидаги давлат ижтимоий соҳа объектлари давлат-хусусий шериклик лойиҳалари доирасида кўмир ёқилғисига ўтказиш ҳақида қарор қабул қилинган эди.
Ҳужжат Қонун ҳужжатлари маълумотлари миллий базасида эълон қилинган ва 13.06.2023 йилдан кучга кирди.
Собир Нурбердиев.
.png)
