Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Covid-19 да касаллик варақаси бўйича қандай миқдорда тўлаш керакХодимга ижтимоий нафақани қандай олишни айтиб турингМаъмурий ва солиқ юки камайтирилди

Элита шоли етиштириш учун ҳудуд ажратиш - танлов асосида

22.06.2021

Рус тилида ўқиш

Вазирлар Маҳкамаси Суперэлита, элита ва кейинги авлодларга мансуб уруғлик шоли етиштириш учун уруғчилик хўжаликларини танлаш тартиби тўғрисидаги низомни тасдиқлади (18.06.2021 йилдаги 381-сон ВМҚ).

 

Ҳужжат Президентнинг "Шоли етиштиришни янада ривожлантириш чора-тадбирлари тўғрисида" 2021 йил 2 февралдаги ПҚ-4973-сон қарори билан қўйилган вазифаларни ижро этиш доирасида қабул қилинган.

 

Низом қуйидагиларни назарда тутади:

  • суперэлита, элита ва кейинги авлодларга мансуб уруғлик шоли етиштириш ҳуқуқига эга бўлиш учун талабгорлардан ҳужжатларни қабул қилиб олиш тартиби;
  • уруғлик шоли етиштирувчи талабгорлар ўртасида танлов ўтказиш тартиби ва муддатлари, шу жумладан, суперэлита, элита ва кейинги авлодларга мансуб уруғлик шоли етиштириш ҳуқуқини олиш учун тақдим этилган ҳужжатларни кўриб чиқиш ҳамда унинг якунлари бўйича қарор қабул қилиш;
  • уруғлик шоли етиштириш ҳуқуқига эга бўлган субъектларнинг ҳужжатларини юритиш;
  • уруғлик шоли етиштирувчиларнинг вазифалари, шунингдек, ушбу талаблар уруғлик шоли етиштириш ҳуқуқига эга бўлган субъектлар томонидан бажарилмаслиги оқибатлари.

 

Уруғлик шоли етиштириш учун танлов фермер хўжаликлари, шоличилик кластерлари ва бошқа қишлоқ хўжалиги ташкилотлари ўртасида ўтказилади. Шоли майдонлари ҳамда экиладиган навлари ва етиштириладиган уруғлик шоли ҳажмлари уруғлик етиштирувчилар таклифларидан келиб чиқиб туман  ҳокимликлари ва вилоятлар қишлоқ хўжалиги бошқармаларининг буюртманомасига асосан Қишлоқ хўжалиги вазирлиги томонидан белгиланади.

 

Уруғлик шоли етиштириш ҳуқуқига эга бўлиш учун тадбиркорлик субъектлари туман ҳокимликлари ҳузуридаги  ҳокимнинг қишлоқ ва сув хўжалиги масалалари бўйича ўринбосари бошчилигида тузилган махсус ишчи гуруҳларига мурожаат қиладилар.

 

Ҳужжат Қонун ҳужжатлари маълумотлари миллий базасида эълон қилинган ва 19.06.2021 йилдан кучга кирди.

 
Лола Абдуазимова.