Вазирлар Маҳкамасининг 19.07.2017 йилдаги 518-сон “Ўзбекистон Республикаси Фанлар академиясининг «Фан ва турмуш» журнали фаолиятини янада такомиллаштириш тўғрисида”ги қарори қабул қилинди.
Қуйидагилар журналнинг вазифалари этиб белгиланди:
- мамлакатимизнинг илм-фан, илмий салоҳият, фан ва техника соҳасидаги ютуқларини оммалаштириш ва тарғиб қилиш;
- фан ва техника соҳасидаги энг долзарб янгиликларнинг моҳиятини илмий-оммабоп шаклда халқимизга, айниқса ёш авлодга етказиш;
- мамлакатимизда илм-фанни ривожлантириш йўлида олиб борилаётган ислоҳотлардан аҳолини, айниқса ёш авлодни мунтазам хабардор қилиб бориш;
- янги технологияларни яратиш ва технологик ишланмалар ишлаб чиқарилишида кўмак бериш.
Қуйидагилар журнал фаолиятини молиялаштиришнинг манбалари ҳисобланади:
- сотув, обуна ва рекламадан тушадиган маблағлар;
- Фан ва технологиялар агентлиги томонидан ўтказиладиган танловларнинг натижалари бўйича ажратиладиган грантлар, жумладан, мақсадли грантлар;
- жисмоний ва юридик шахсларнинг ҳомийлик хайриялари;
- халқаро молия институтлари ва бошқа институтларнинг, хорижий ҳукумат ташкилотларининг грантлари;
- қонун ҳужжатларида тақиқланмаган бошқа манбалар.
Ҳужжат билан «Фан ва турмуш» журнали фаолиятини такомиллаштириш билан боғлиқ харажатларни қоплаш учун ҳомий ташкилотлар рўйхати тасдиқланди.
|
Т/р |
Ҳомий ташкилотнинг номи |
Ҳомийлик хайрияларининг миқдори (млн.сўм.) |
|
1. |
«Ўзбекнефтгаз» АЖ |
25,0 |
|
2. |
«Ўзпахтаёғ» АЖ |
25,0 |
|
3. |
«Ўзфармсаноат» ДАК |
25,0 |
|
4. |
«Навоий кон-маталлургия комбинати» ДК |
25,0 |
Ҳужжат 24.07.2017 йилда расман эълон қилинган.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Моҳина Мирзаева.
