Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Корхонада меҳнатга ҳақ тўлаш тизимини қандай ўзгартириш мумкинАгар ҚҚС ҳисоб-китобида тизимли хатолар чиқса, нима қилиш керак

Фармацевтикада Зарур амалиётлар маркази ташкил этилди

05.08.2021

Рус тилида ўқиш

Вазирлар Маҳкамасининг 03.08.2021 йилдаги “Фармацевтика саноатида Зарур амалиётлар (GxP) талабларини амалга ошириш бўйича қўшимча чора-тадбирлар тўғрисида”ги 486-сон қарори қабул қилинди.

 

Фармацевтика маҳсулотларини давлат рўйхатидан ўтказиш, стандартлаштириш, сертификатлаштириш, техник жиҳатдан тартибга солиш ва фармацевтика тармоғига илгор хорижий амалиёт ва халқаро стандартларни татбиқ этиш бўйича ишлар мувофиқлаштирилишини таъминлаш мақсадида:

 

Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази таркибидаги Зарур амалиётлар (GxР) миллий инспекторати бўлими ажратиб чиқарилиб, давлат унитар корхонаси шаклидаги Агентликнинг Зарур амалиётлар маркази  этиб қайта ташкил этилади.

 

Марказнинг қуйидаги асосий вазифалари белгиланди:

  • фармацевтика тармоғида фаолият юритаётган корхона ва ташкилотларда зарур амалиётлар (GxP) халқаро стандартларини жорий қилиш ишларини ташкил этиш;
  • зарур амалиётлар (GxP Р) талабларига мувофиқлик бўйича сертификатлаш мақсадида фармацевтик инспекциялар ўтказиш;
  • Ўзбекистонда ишлаб чиқарилаётган дори воситалари, тиббий буюмлар ва тиббий техниканинг маҳаллий стандартлари халқаро стандартлар билан уйғунлаштирилишини таъминлаш;
  • дори воситалари, тиббий буюмлар ва тиббий техникани яратиш, ишлаб чиқариш, муомаласини тартибга солиш, сифатини назорат қилиш, техник жиҳатдан тартибга солиш жараёнларига халқаро “ISO” сифат менежменти тизимини ва Зарур амалиётлар (GxP) қоидаларини жорий қилиш соҳасида халқаро ҳамкорликни мувофиқлаштириш.

 

Қуйидагилар Марказ фаолиятини молиялаштириш манбалари ҳисобланади:

  • кўрсатилган пуллик хизматлардан тушадиган маблағлар;
  • халқаро молия институтлари, хорижий ташкилотлар, донор мамлакатлар ва ташкилотларнинг грантлари;
  • жисмоний ва юридик шахсларнинг ҳомийлик хайриялари;
  • қонунчилик ҳужжатлари билан тақиқланмаган бошқа манбалар.

 

Ҳужжат Қонун ҳужжатлари маълумотлари миллий базасида эълон қилинган ва 03.08.2021 йилдан кучга кирди.

 

Лола Абдуазимова.