Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
II чоракда жами даромад 1 млрд сўмдан ошган бўлса, ҳисобот қандай топширилади - buxgalter.uz да ўқингII чорак учун айланмадан олинадиган солиқ бўйича ҳисоботда нимага эътиборни қаратиш лозим- buxgalter.uz да ўқинг Чет эллик мутахассиснинг фойдаланилмаган таътилини компенсация қилиш керакми - buxgalter.uz да ўқингҲисоботлар қайта топширилганда: 45-сон хато нимани англатади - buxgalter.uz да ўқингРаҳбарларнинг машиналари нега солиқчиларни қизиқтириб қолди - buxgalter.uz да ўқингДСБ ҳисоботларни қайта топшириш ва ЭҲФ масалалари бўйича нима жавоб беради- buxgalter.uz да ўқингФойда солиғи ҳисоб-китобида узоқ муддатли контрактларни ҳисобга оламиз - buxgalter.uz да ўқингИмпорт қилинган товарни реализация қилиш чоғида зиддиятли ҚҚС - buxgalter.uz да ўқинг

Фармкластер барпо этиш учун $50 млн гача йўналтирилади

01.05.2020

Рус тилида ўқиш

 

"Tashkent Pharma Park" ни ташкил этиш лойиҳасини Тикланиш ва тараққиёт жамғармаси молиялаштиради (28.04.2020 йилдаги ПҚ-4698-сон қарорга қаранг).

 

Эслатиб ўтамиз, "Tashkent Pharma Park" – ўз ичига Фармацевтика техник университети ва саноат зонасини олган инновацион илмий-ишлаб чиқариш фармацевтика кластери. Кластерни Тошкент вилояти Қибрай туманида жойлаштириш режалаштирилмоқда. 

 

Тикланиш ва тараққиёт жамғармаси фармкластерни ташкил этиш лойиҳасини молиялаштириш учун $50 млн гача ажратади. Қарздор - Фармацевтика тармоғини ривожлантириш агентлиги. Қарзни сўндириш ва унга хизмат кўрсатиш билан боғлиқ харажатлар кластер ҳудудидаги объектларни сотиш ва биноларни ижарага беришдан тушган тушумлар, Фармацевтика тармоғини қўллаб-қувватлаш ва ривожлантириш жамғармаси ҳамда қарздорнинг бошқа тушумлари ҳисобидан амалга оширилади.

 

Биринчи навбатдаги объектлар қурилишини мамлакатимиз Бош вазири раҳбарлигидаги махсус ишчи гуруҳ ташкиллаштиради. Ишчи гуруҳ лойиҳавий таклифларни кўриб чиқади,  бош пудратчиларни танлайди, қурилишнинг бориши ва маблағлардан самарали фойдаланилиши устидан назорат қилади. "Tashkent Pharma Park" дирекцияси (лойиҳанинг ижро этувчи органи) қурилаётган объектлар бўйича асбоб-ускуналар, товарлар, ишлар ва хизматларни қабул қилиб олиш учун масъул ҳисобланади.

 

Молиялаштириш ишчи гуруҳнинг қарорига биноан параллель равишда қуйидагиларни экспертизадан ўтказган ҳолда амалга оширилади:

  • лойиҳани - Фармацевтика тармоғини ривожлантириш агентлигининг тармоқ Илмий-техник кенгашида;
  • лойиҳа-смета ҳужжатларини - Қурилиш вазирлигида;
  • замонавий импорт асбоб-ускуналар ва технологиялар, қурилиш материаллари, бутловчи буюмларни харид қилиш бўйича импорт контрактларини - Лойиҳалар ва импорт контрактларини комплекс экспертиза қилиш марказида.

 

Ҳужжат Қонун ҳужжатлари маълумотлари миллий базасида эълон қилинган ва 29.04.2020 йилдан кучга кирди.

 

Олег Заманов.