Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Харажатларга ва бошқа даромадларга бир томонлама ЭҲФни ким тақдим этадиИжарага олинган бинони таъмирлаш сарф-харажатларини бир неча йилга «чўзиш» мумкинмиХизматлар импортида Технопарк резидентлари ҚҚС тўлайдими

Фоизларга харажат йўқми – солиқ тўланг

28.12.2016

27.12.2016 йилдаги ЎРҚ-417-сон «Солиқ ва бюджет сиёсатининг 2017 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонуни билан Солиқ кодексига (кейинги ўринларда - СК) тузатишлар  киритилди.

Юридик шахслар бўш пул маблағларини кўпинча бир-бирларига заём ёки қайтариладиган молиявий ёрдам тариқасида вақтинчалик фойдаланиш учун тақдим қилишади. Солиқ органлари бунга текин мулкий ҳуқуқ кўринишидаги даромадлар манбаи деб қарашган. Бунда СКда бундай даромадни аниқлашнинг қоидалари келтирилмаган, солиқчилар эса даромадни МБнинг қайта молиялаштириш ставкасига асосан ҳисоблашган. Даромаднинг пайдо бўлиши ва солиқлар тўланиши учун асосларни кўрмаган солиқ тўловчилар эса бунга рози бўлишмаган.

 

СК 135-моддасига киритилган қўшимчалар ҳаммасини ўз ўрнига қўяди. Уларга кўра қарз олувчининг пул маблағларидан текин фойдаланиш ҳуқуқидан олган даромадлари Марказий банк томонидан заём (молиявий ёрдам) суммаси олинган кунда ўрнатилган қайта молиялаштириш ставкасидан келиб чиқиб аниқланади.

 

МБнинг қайта молиялаштириш ставкасидан пастроқ фоиз ўрнатилган заёмлар бўйича солиқ солиш базасини аниқлашда ҳам худди шу ставка қўлланади.

 

Мазкур қоидалар кредит ташкилотлари томонидан берилган кредитлар, шунингдек, норезидентлар томонидан тақдим этиладиган заёмларга нисбатан татбиқ этилмайди.

 

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

 

Музаффар Мирзағаниев,

экспертимиз

 

Мавзуга оид материаллар:

 

Сенат солиқ ва бюджет сиёсатига ўзгартиришларни муҳокама қилди